بھارتی کامیڈین اور اداکار کپل شرما نے حالیہ دنوں میں اپنی حیران کن جسمانی تبدیلی سے سب کو حیران کر دیا ہے۔ رپورٹوں کے مطابق، انہوں نے نمایاں طور پر وزن کم کیا ہے، جس کے بعد ان کا نیا روپ مداحوں کی توجہ کا مرکز بن گیا ہے۔
سوشل میڈیا پر وائرل ہونے والی ایک ویڈیو میں، جو ممبئی ایئرپورٹ پر بنائی گئی تھی، کپل شرما کو ہلکی ٹی شرٹ میں دیکھا گیا۔ ان کی بدلی ہوئی شکل دیکھ کر مداح حیران رہ گئے، اور سوشل میڈیا پر مختلف تبصرے سامنے آنے لگے۔ کچھ لوگوں نے تشویش کا اظہار کرتے ہوئے پوچھا، “کیا کپل کی طبیعت ٹھیک نہیں؟” جبکہ کچھ نے کہا، “کیا وہ کسی پریشانی کی وجہ سے اتنے دبلا ہوگئے ہیں؟”
کپل شرما کی فٹنس کا راز
رپورٹس کے مطابق، کپل شرما نے بالی وڈ اداکار اکشے کمار سے متاثر ہو کر فٹنس پر توجہ دینی شروع کی۔ انہوں نے اپنی روزمرہ کی زندگی میں جم کو شامل کر لیا اور سخت ٹریننگ شروع کر دی۔ کپل روزانہ صبح جلدی اٹھ کر تقریباً دو گھنٹے تک ورزش کرتے ہیں، جس میں جم ایکسرسائز کے ساتھ ساتھ کِک باکسنگ بھی شامل ہے۔ بتایا جا رہا ہے کہ وہ فروری سے اس معمول پر عمل کر رہے ہیں
کپل شرما کا وزن کتنا کم ہوا؟
ابھی تک اس بات کی تصدیق نہیں ہو سکی کہ انہوں نے کل کتنا وزن کم کیا ہے، لیکن رپورٹس کے مطابق، پچھلے کچھ مہینوں میں انہوں نے تقریباً 11 کلو وزن کم کیا ہے۔
مداحوں کا ردعمل
کپل شرما کی فٹنس اور حیران کن تبدیلی مداحوں کے لیے ایک خوشگوار حیرت کا باعث بنی ہے۔ تاہم، کچھ لوگ ان کی صحت کے حوالے سے فکرمند بھی نظر آ رہے ہیں۔ اب دیکھنا یہ ہے کہ وہ اس نئے روپ میں کب اسکرین پر جلوہ گر ہوتے ہیں۔