پنجاب پولیس کے اسپیشل پروٹیکشن یونٹ (ایس پی یو) کی بھرتی کے دوران جعلی امیدواروں کو بے نقاب کر لیا گیا۔ ذرائع کے مطابق، ایسے چار افراد کو گرفتار کیا گیا ہے جو اصل امیدواروں کی جگہ دوڑ میں شریک ہوئے۔یہ
کارروائی ریکروٹمنٹ بورڈ کے چیئرمین ڈی آئی جی سید حماد عابد کی زیر نگرانی کی گئی،
جنہوں نے واضح کیا کہ بھرتی کا عمل مکمل طور پر شفاف اور میرٹ کی بنیاد پر کیا جا رہا ہے۔ ان کا کہنا تھا کہ گرفتار افراد کے خلاف مقدمہ درج کر لیا گیا ہے اور قانونی کارروائی جاری ہے۔
ڈی آئی جی کے مطابق بھرتی میں صرف اہل، دیانت دار اور ذمہ دار افراد کا انتخاب کیا جائے گا تاکہ ایسے پولیس اہلکار سامنے آئیں جو عوام کی خدمت اور ان کے تحفظ کو اپنا فرض سمجھیں۔